|
Бу ердаги ( السُّحْت ) сўзи ҳаромдан топилган мол маъносида.
7- Улар ўз динларига зид ишларни қилишларни ҳам агар унда обрў, салтанат ёки бирор дунёвий иш каби манфаат бор бўлса, жоиз кўрардилар. Агар зарур бўлиб қолса, Аллоҳнинг оятларини ҳам ўзгартириб юбораверардилар. Шу билан Аллоҳнинг оятларини арзимаган пулга, дунёвий фойдага сотиб юборардилар. Хуллас, улар учун қадрли нарсанинг ўзи йўқ эди.
فَوَيْلٌ لِّلَّذِينَ يَكْتُبُونَ الْكِتَابَ بِأَيْدِيهِمْ ثُمَّ يَقُولُونَ هَـذَا مِنْ عِندِ اللّهِ لِيَشْتَرُواْ بِهِ ثَمَناً قَلِيلاً فَوَيْلٌ لَّهُم مِّمَّا كَتَبَتْ أَيْدِيهِمْ وَوَيْلٌ لَّهُمْ مِّمَّا يَكْسِبُونَ
– „Ўз қўллари билан китоб ёзиб, сўнгра озгина қийматга сотиш учун: «Бу китоб Аллоҳ ҳузуридан келди», дейдиган кимсаларга ҳалокат бўлғай, бас, ёзган нарсалари уларга ҳалокат бўлғай, топган фойдалари уларга ҳалокат бўлғай“. [2:79]
Яна бир нарса. Агар қайсидир қавмлар ўртасида уруш оловини ёқиш учун ўзларидан бирортасини ўлдириш керак бўлиб қолса, бемалол ўлдираверардилар. Уларнинг наздида ғоя ҳар қандай воситани оқларди. Авс билан Хазраж ўртасига низо солиш учун ҳам шундай қилгандилар. Бир қисми Авс тарафига, яна бир қисми Хазраж тарафига ўтиб олиб, бу икки қабилани заифлаштириш учун ўзаро фитна чиқарардилар. Шу орада яҳудлардан ҳам бир нечасини ўлдиришга тўғри келиб қоларди. Модомики, бу ишда салтанат ва гегемонлик каби бир манфаат бор экан, ўз динларига хилоф иш қилиб, ўзларидан бирортасини ўлдириш улар учун оддий бир ҳол эди.
ثُمَّ أَنتُمْ هَـؤُلاء تَقْتُلُونَ أَنفُسَكُمْ وَتُخْرِجُونَ فَرِيقاً مِّنكُم مِّن دِيَارِهِمْ تَظَاهَرُونَ عَلَيْهِم بِالإِثْمِ وَالْعُدْوَانِ وَإِن يَأتُوكُمْ أُسَارَى تُفَادُوهُمْ وَهُوَ مُحَرَّمٌ عَلَيْكُمْ إِخْرَاجُهُمْ أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاء مَن يَفْعَلُ ذَلِكَ مِنكُمْ إِلاَّ خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللّهُ بِغَافِلٍ عَمَّا تَعْمَلُونَ
– „Кейин эса сизларнинг ўзингиз бир-бирингизни ўлдирмоқдасиз, ўз тоифангиздан бўлган бир гуруҳни диёрларидан ҳайдаб, уларнинг устида гуноҳ ва зулм билан бир-бирингизга ҳамкорлик қилмоқдасиз. Агар улар сизларга асир ҳолда келишса, товон тўлаб қутқариб ҳам оласиз. Ҳолбуки, уларни ҳайдаш сизларга ҳаром қилинган эди. Ё китобнинг (Тавротнинг) бир қисмига ишониб, бир қисмини инкор қиласизми? Ораларингдан ким бу ишни қилса, унинг жазоси бу дунёда расво бўлиш, қиёмат кунида эса қаттиқ азобга дучор қилинадилар. Аллоҳ қилаётган ишларингдан ғофил эмасдир“. [2:85]
8- Улар мусулмонларни диндан узоқлаштириш учун масхара қилиш, устидан кулиш, ёмон гапларни тарқатиш, туҳматлар
176-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204